अमृत-मंथन

ब्लॉगच्या शीर्षकावरून अनेकांच्या लक्षात आलंच असेल की हा ब्लॉग कशाविषयी आणि कोणाविषयी आहे. ब्रिटिश लेखक जेम्स ग्रँट ज्याला आपण त्याच्या 'पेन नेम' ली चाईल्ड या नावाने ओळखतो त्याच्या जॅक रिचर सिरीजचे अनेक चाहते जगभरात आहेत. १९९७ साली ली चाईल्डने या पुस्तक मालिकेला प्रारंभ केला आणि आत्तापर्यंत तब्बल २७ पुस्तके प्रकाशित झाली आहेत आणि २८ वं पुस्तक प्रकाशनाच्या मार्गावर आहे. याच मालिकेतील ११ व्या म्हणजेच बॅड लक अँड ट्रबल या पुस्तकाविषयी आपण थोडक्यात माहिती करून घेऊ.  कादंबरीची सुरुवात होते कॅलिफोर्नियातील एका वाळवंटातील घडामोडीने. एका माणसाचे दोन्ही पाय मोडून त्याला हेलिकॉप्टर मधून 3000 फुटावरून खाली फेकण्यात येते, त्यानंतर १७ दिवसांनी जॅक रिचर आपल्या अंगावरचे कपडे आणि एक ATM कार्ड एवढंच स्वतःजवळ बाळगून कॅलिफोर्नियात इतस्ततः भटकत असताना एका ATM मशिनमधून पैसे काढण्यासाठी जातो तेव्हा त्याला समजतं की त्याच्या खात्यात कोणा अनामिक व्यक्तीने $१०३०.०० इतकी रक्कम जमा केली आहे. या अनामिक व्यक्तीचा शोध घेण्यासाठी तो बँकेच्या कस्टमर केअरला फोन करतो तेव्हा बँकेची कर्मचारी रिचरला त्या...